Kiwanisklúbburinn Helgafell kom færandi hendi á leikskólana tvo í Vestmannaeyjum, Kirkjugerði og Sóla. Klúbburinn afhenti leikskólunum tveimur sitthvora iPad spjaldtölvuna en slíkar tölvur þykja henta vel í sérkennslu á leikskólunum. Það voru þær Júlía Ólafsdóttir, leikskólastjóri á Sóla og Emma Hinrika Sigurgeirsdóttir, aðstoðarskólastjóri á Kirkjugerði sem veittu tölvunum viðtöku.
Framundan er sala á Jólasælgæti hjá Helgafelli, sem er um leið ein stærsta fjáröflun klúbbsins en þá ganga félagsmenn í hús og selja öskju fulla af góðgæti. Daginn áður en salanhefst, koma félagsmenn, börn þeirra og jafnvel barnabörn saman í klúbbhúsi Helgafells og pakka sælgætinu í öskjurnar. Krakkarnir hafa margir hverji rmætt ár eftir ár og geta ekki hugsað sér undirbúning jólanna án þess að pakka niður Jólasælgætinu.
Á myndinni afhenda þeir Guðmundur Jóhannsson, Egill Egilsson, Magnús Benónýsson og Jóhann Guðmundsson iPad spjaldtölvu á Leikskólanum Sóla en við henni taka þær Júlía Ólafsdóttir og Hrefna Jónsdóttir.