Föstudaginn 11 nóvember var haldinn óvissufundur hjá okkur Helgafellsfélögum og hófst fundurinn kl 19.30 á venjulegum fundarstörfum og að þeim loknum var komið að kvöldverði að ósk stjórnar og til að staldra stutt við í Kiwanishúsinu var lasagna með öllu tilheyrandi á boðstólum og snætt á pappadiskum. Að loknu borðhaldi var farið út í óvissuna og í þetta skiptið var engin rúta á vegum stjórnar en þessi fundur er alfarið í þeirra höndum.
Byrjað var á því að koma við í Surtseyjastofu, þar sem tekið var vel á móti okkur og gaman að sjá þessa sýningu og fróðleik sem þarna er á boðstólum og höfðu greinilega margir okkar félaga ekki komið þarna inn. Nú stjórnin bauð okkur upp á ný lagaðan jólabjór áður en haldið var á næsta stað. Næsti viðkomustaður okkar var Slökkviliðsstöð Vestmannaeyjar þar sem Ragnar Baldvinsson slökkvuliðsstjóri og Stefán Jónson vara slökkviliðsstjóri tóku á móti okkur af miklum höfðingskap. Þarna var farið yfir þá stórbruna sem komið hafa upp í Eyjum í máli og myndum á stórum skjá, en af nógu er að taka í þessum efnum og m.a óupplýstar íkveikjur. Að loknu erindi á Slökkvistöðinni afhendi Magnús forseti Ragnari smá þakklætisvott frá klúbbnum og sleit fundi á staðnum og héldu þá menn áfram út í óvissuna, sumir fóru heim en aðrir niður í Kiwanishús til að spila snóker og aðrir fóru á kaffishús enda alltaf heitt á könnunni á kaffihúsum bæjarinns. Við Helgafellsfélagar viljum þakka öllum sem komu að þessu frábæra kvöldi okkar og er mönnum strax farið að hlakka til næsta óvissufundar.
