Stjórnarskipti og Árshátíð Helgafells fór fram s.l laugardag, 2 október að viðstöddu fjölmenni í Kiwanishúsinu við Strandveg. Húsið var opnað kl 20.00 með fordrykk í tómstundarsal hússins og síðan var haldið í aðalsalinn og fundur settur um kl 20.30 af forseta Einari Friðþjófssyni sem skipaði Kristleif Guðmundsson veislustjóra kvöldsins .
Síðan hófst borðhald og var glæsilegur þriggjarétta matseðill í boði frá Veisluþjónustu Einsa Kalda, og var vel látið af matnum hjá þeim félögum. Síðan komu á svið krakkar frá tónlistaskóla Vestmannaeyja tvær stúlkur og einn drengur og tóku þau nokkur lög fyrir okkur stúkurnar við undirleik kennara síns en drengurinn lék sjálfur undir á gítar. Tveir nýjir félagar voru teknir inn við þessi stjórnarskipti og voru það Kári Hrafnkelsson og Gíslí Erlingsson, en á næstu dögum verða teknir inn 24 til viðbótar og munar þar mest um Græðlingsklúbbinn sem búið er að koma á laggirnar á höfuðborgarsvæðinu. Ritari Helgafells Guðmundur Jóhannsson veitti mætingarviðurkenningar og hlutu Þór Engilbertsson, Birgir Sveinsson og Ragnar Ragnarsson þau að þessu sinni en þeir voru allir með 100% mætingu. Næst sá félagi okkar Gísli Valtýsson Svæðissjóri Sögusvæðis um stjórnarskipti en nýja stjórn Helgafells fyrir starfsárið 2010 – 2010 skipa Forseti Birgir Guðjónsson Kjörforseti Magnús Benónýsson Fv.forseti Einar Friðþjófsson Ritari Ólafur Friðriksson Féhirðir Sigurður Friðriksson Gjaldkeri Kristján Georgsson Erlendur ritari Geir Reynisson Að loknum stjórnaskiptum tók við skemmtidagskrá sem nýskipuð skemmtinefnd sá um og þ.a.m kom fram þýskur söngvari (???) sem söng eins og engill, hljómsveitin Spútnik og Thelma tóku nokkur lög fyrir hátíðagesti en þeir voru á leið í Höllina að spila á lokahófi ÍBV og síðan var sunginn klúbbsöngurinn okkar við undirleik og stjórn Jarls Sigurgeirssonar og í framhaldi af þv í voru sungin nokkur fjöldasönglög og síðan var fundi slitið og við tók dansleikur fram á rauða nótt og sá hljómsveitin Tríkot um að halda uppi stuðinu. Eins og sjá má vel heppnuð árshátíð í alla staði.