Um síðastliðin mánaðarmót afhenti Kiwanisklúbburinn Helgafell gjöf til Heilbrigðisstofnunar Suðurlands í Vestmannaeyjum. Um er að ræða fullkomna Gate göngugrind að verðmæti 436.846,- kr.
Göngugrind þessi er mjög þægileg í meðförum að sögn Örnu Huldar Sigurðardóttur, deildarstjóra á sjúkradeild HSU, en
þar hefur grindin verið í notkun í nokkrar vikur og hefur nú þegar sannað gildi sitt.
Arna Huld vildi fyrir hönd sjúkrahússins koma á framfæri kæru þakklæti til Kiwanismanna fyrir þessa veglegu gjöf.
© Smartmedia 2014